ஐக்கிய அரபு அமீரக சார்ஜாவில் கடந்த 17-02-2011 வியாழன் அன்று இரவு 8.30 மணியளவில் ஷார்ஜா ரோலா சதுக்கம் அருகே அமைந்துள்ள சகோதரர் ஹாஜாதீன் அவர்கள் இல்லத்தில் நாகை மாவட்டம் – தோப்புத்துறை மர்கஸ் ( மஸ்ஜிதுல் முஸ்லீமின் ) நிர்வாகத்தின் சார்பாக அலோசனை மற்றும் தர்பியா எனும் இஸ்லாமிய நல்லுழுக்க பயிற்சி நிகழ்ச்சி அல்லாவின் மாபெரும் கிருபையால் இனிதே நடந்தது(அல் ஹம்துலில்லாஹ்! ), நிகழ்ச்சிக்கு அமீரகத் தலைவர் சகோ.அப்துல் அஜிஸ் அவர்கள் தலைமையேற்றி சிறப்புரை நிகழ்த்தினார், நாம் அல்லாஹ்விற்கு செய்ய வேண்டிய கடமைகளை பற்றியும் மார்க்கப் பணிகளில் நம்மிடைய ஏற்பட்டுள்ள தோய்வுகளையும் மேற்கோள்க்காட்டி உரை நிகழ்த்தினார்,

பின்னர் சகோ.ஹாஜாதீன் அவர்கள் கடந்த புனத ரமலானில் நடத்தப்பட்ட மாவட்டம் தழுவிய திருக் குர் ஆன் போட்டிகளில் குறை-நிறைகளை சுட்டிக் காட்டினார், மேலும் அப்போட்டியை சிறப்பாக நடத்திய நமது தாயக மர்கஸ் நிர்வாகிகளை பற்றியும் சுட்டிக்காட்டினார், பின்னர் நிகழ்ச்சி வருகைத் தந்த அனைவரிடமும் கருத்துக்கள் கேட்கப் பட்டது, அதற்கு மர்கஸ் அமீரக தலைவர் அப்துல் அஜிஸ் அவர்களும் சகோ.ஹாஜாதீன் அவர்களும் விளக்கம் அளித்தார்கள்,

மேலும் இன்சா அல்லாஹ்… வருகின்ற புனித ரமலானில் நடைப்பெற இருக்கும் ஏழாம் ஆண்டு திருக்குர் ஆன் போட்டிற்கான அனைவரிடமும் ஆலோசனை கேட்கப்பட்டது, மேலும் இன்சா அல்லாஹ் பின்னர் நடக்க இருக்கும் ஆலோசனை கூட்டத்தில் இது சம்பதமாக விவாதிப்பது என்றும் முடிவு எடுக்கப்பட்டது, நிகழ்ச்சிக்கு வருகைப் புரிந்த சகோ.பி.எஸ்.சிராஜ் மற்றும் சகோ. ரசுல் முகம்மது அவர்களும் சிறப்பான முறையில் தங்களது கருத்துக்களை பதிவு செய்தார்கள்,

பின்னர் வருகின்ற கோடை கால சிறப்பு இஸ்லாமிய பயிற்சி வகுப்புகளுக்கான அலோசனைகள் அனைவரிடமும் பெறப்பட்டது,இதற்கான மார்க்க பயிற்சி ஆசிரியர் நியமனம் சம்பந்தமாகவும் பேசப் பட்டது, கோடை கால சிறப்பு இஸ்லாமிய பயிற்சி வகுப்புகள் சம்பந்தமாக துபாயிலிருந்து வருகை புரிந்த சகோ.ஜியாவுல் ஹக் அவர்களும், சகோ.கௌது அவர்களும் சிறப்பான ஆலோசனை வழங்கினார்கள்,

இறுதியாக தொழுகையின் அவசியத்தை பற்றியும், மேலும் ஜமாத்துடன் தொழுவதன் அவசியத்தை பற்றியும் சிறப்பான முறையில் சகோ.கௌது அவர்கள் உரை நிகழ்த்தி அனைவருக்கும் மறுமையின் சிந்தனையை புகுத்தினார், பின்னர் துவாவுடன் இனிதே நிகழ்ச்சி நிறைவுப் பெற்றது,கலந்துக் கொண்ட அனைவருக்கும்  தஞ்சாவூர் உணவகம் சார்பாக இரவு உணவு வழங்கப் பட்டது, கூட்டத்திற்க்கு அபுதாபி,அஜ்மான் மற்றும் துபாயிலிருந்து தோப்புத்துறை சகோதரர்கள் கலந்து கொண்டனர்.

செய்தி – ஆதம்.ஆரிபின், ராசல் கைமா.